10 વર્ષ બાદ પણ નથી મળ્યા સેનાને 1.86 લાખ બુલેટપ્રુફ જેકેટ

- 6 વર્ષ પહેલા સરકારે આ પ્રસ્તાવની મંજૂરી પણ આપી દીધી છે

- સેનાને જુના જેકેટનો જ ઉપયોગ કરવો પડી રહ્યો છે

ભારતીય સૈનિકો માટે પાયાની જરૂરિયાત ગણાતું બુલેટ પ્રુફ જેકેટની ખાલી વાતો જ છે. સેનાને હજુ સુધી લાઈટ મોડ્યુલર જેકેટ નથી મળ્યા જ્યારે એક દાયકા પહેલા તેની માંગણી કરવામાં આવી હતી અને 6 વર્ષ પહેલા સરકારે આ પ્રસ્તાવની મંજૂરી પણ આપી દીધી હતી. આ જેકેટથી માથું, ડોક, છાતી, પેટનાં નીચેના ભાગ અને સાઈડનાં ભાગને સુરક્ષા મળે છે અને તેમાં બેલિસ્ટિક હેલ્મેટ પણ જોડાયેલું રહે છે. સાથે જ જવાનોને હલન-ચલનમાં પણ મુશ્કેલી નથી થતી.
ઓક્ટોબર 2009માં સંરક્ષણ સંપાદન કાઉન્સિલનાં પ્રથમ રાઉન્ડ હેઠળ આ પ્રકારનાં 1.86 લાખ બુલેટ પ્રુફ જેકેટનાં પ્રસ્તાવને મંજૂરી આપી હતી. જો કે, સેનાને કુલ મળીને 3.53 લાખ જેકેટની જરૂર હતી. જેના કારણે સેનાને જુના જેકેટનો જ ઉપયોગ કરવો પડી રહ્યો છે. આ વર્ષ બાદ તે જેકેટો વધારે ખરાબ થઈ જશે. રક્ષા મંત્રી મનોહર પર્રિકરે ગત વર્ષે 50 હજાર નવા જેકેટ તત્કાલિન પગલાંઓમાં આદેશ આપ્યો હતો પરંતુ તેના પર પણ હજુ કામ થવાનું બાકી છે. સૂત્રો અનુસાર આ ખરીદીમાં હજુ 6 મહિના વધારે લાગી શકે છે.
ત્યારે 1.86 લાખ જેકેટનો મામલો હજુ પણ ટ્રાયલ મુલ્યાંકનનાં દોરમાં જ છે અને 6 કંપનીઓ તેની દોડમાં છે. જ્યારે પ્રસ્તાવને મંજૂરી આપી દેવામાં આવી હતી તે સમયે એક જેકેટની અંદાજે કિંમત 50 હજાર રૂપિયા હતા અને આખા પ્રસ્તાવની રકમ 930 કરોડ રૂપિયા હતી. 2012 સુધી આ જેકેટોના પ્રથમ રાઉન્ડ હેઠળ સામેલ કરવાનો હતો અને ત્યારબાદ બીજા રાઉન્ડમાં 1.67 સાખ જેકેટોનો ઓર્ડર આપવાનો હતો. પરંતુ વારંવાર બદલાતી ખરીદી પ્રક્રિયાઓ, રાજકીય ઉદાસીનતાનાં કારણે તેમાં વર્ષે દર વર્ષે મોડું થતું રહે છે.