અમદાવાદ જિલ્લાના ધંધુકા તાલુકામાં સાળંગપુર ગામ આવેલું છે. આ ગામમાં કષ્ટભંજન હનુમાનજીની મૂર્તિ આવેલી છે,જે વિક્રમ સંવત ૧૯૦૬ માં (૧૮૫૦ એ.ડી.) સ્વામિનારાયણના સંત ગોપાલાનંદ સ્વામીએ સ્થાપેલી છે.
હનુમાનજી સમગ્ર દેશમાં પૂજનીય ભગવાન છે. દ્વાપર યુગથી જ ભગવાન રામના પરમ ભક્ત હનુમાનજીના ઘણાં ભક્તો તેમને નિયમિત ભજે છે. તેમને પવન દેવના પુત્ર તરીકે બધાં પૂજે છે.ચૈત્રી પૂર્ણિમાને દિવસે શિવજીના વરદાનથી અંજલિ માતાને પેટે અવતરેલા હનુમાનજીમાં અમાપ શકિત હતી. તેમણે વેદો,શાસ્ત્રો,લલિતકલાઓ,કંઠસ્થ કરી હતી. કિષ્કિંધા રાજયના રાજા સુગ્રીવના તે મુખ્ય સેનાપતિ હતા.હનુમાનજી વિજેતા રામ સાથે અયોધ્યા ગયા હતા અને ત્યાં જ તેમની ભક્તિ માટે રહી ગયા હતા.હનુમાનજી અગિયાર રુદ્રોમાંના એક છે,જે હંમેશા કથા અથવા તો રામાયણના પાઠ થાય તો હાજર હોય છે.તે રામાયણની કથા સરળતાથી, સહજતાથી, સારી રીતે પતે તે માટે પ્રયત્ન કરતા હોય છે.
હનુમાનજી શારીરિક ક્ષમતા, વીરતા અને જોશ તથા ઉત્સાહનું પ્રતીક છે. તેઓનું પૌરુષ કે જોશ હંમેશાં સત્યના કામ માટે જ વપરાય છે. તેઓ શકિત,યુકિત અને ભકિતનું પ્રતીક છે. હનુમાનજી પૂર્ણ ભકિતનું સ્વરૂપ છે. હનુમાનજીને ગંભીરતાથી ભજવાથી સહેલાઈથી પ્રસન્ન થાય છે.દરેકે દરેક મંદિરમાં હનુમાનજીનું મંદિર જુદું હોય છે.આ ઉપરાંત વૈષ્ણવો, શૈવસંપ્રદાયના ભકતો,શકિત સંપ્રદાયના ભકતો,સ્વામિનારાયણ,જૈનો અને શીખો પણ હનુમાનજીને દર શનિવારે આકડાનાં ફૂલોની માળા અર્પણ કરીને ભજે છે.જીમ્નેસ્ટિક વ્યાયામનાં સ્થળોમાં હનુમાનજીની પૂજા કરીને રોજનાં કાર્યો શરૂ થાય છે. હનુમાનજીને ભુરખિયા,જાઝડિયા,રૂખડિયા,રોકડિયા,પંચમુખી,નવહાથા હનુમાન તરીકે ઓળખવામાં આવે છે.
હનુમાનજીનાં બહુ જાણીતાં મંદિરોમાં સાળંગપુર હનુમાનજી ઉપરાંત નીચેનાં મંદિરો જાણીતાં છે. (1) ભાવનગરનું રોકડિયા હનુમાનજીનું મંદિર, (2) ભાવનગર જિલ્લાના અધેવડા ગામનું ઝારખીયા હનુમાનજીનું મંદિર, (3) અમરેલી જિલ્લાનું ભુરખિયા હનુમાનજીનું મંદિર, (4) પોરબંદર પાસેનું રોકડિયા હનુમાનજીનું મંદિર, (5) સાબરકાંઠાનું જિલ્લાનું કાંટાળુ હનુમાનજીનું મંદિર, (6) ખેડા જિલ્લાનું લાંભવેલ હનુમાનજીનું મંદિર, (7) ભરૂચ જિલ્લાનું ઊચેડિયામાં આવેલું ગુમાનદેવ હનુમાન મંદિર, (8) સુરતનું ભીમપોર મંદિર, (9) અમદાવાદ જિલ્લાનું ડભોડાનું હનુમાનજીનું મંદિર,હવે સાળંગપુર હનુમાનજીના મંદિરનો ઇતિહાસ તપાસીએ.
પાશ્વભૂમિકા : –
સ્વામિનારાયણ સંપ્રદાયના સંતશ્રી સ્વામી સહજાનંદ ઘણુંખરું ગઢડામાં રહેતા હતા તેમણે સંપ્રદાયના વડા તરીકે નિયુકત કરેલા વડતાલના સ્વામી ગોપાલાનંદ વારંવાર વડતાલથી ગઢડા પ્રવાસ વખતે વચ્ચે સાળંગપુરમાં વિશ્વાસ કરતા.સાળંગપુરના સ્વામિનારાયણ ભક્ત દરબાર જીવા ખાચર હંમેશાં સાધુઓની સેવા કરતા,તેમની ભકિત કરતા. સમય જતાં જીવા ખાચર બાદ તેમના પુત્ર વાઘા ખાચરની આર્થિક પરિસ્થિતિ ખરાબ થઈ ગઈ.પરિણામે તે સાધુઓની સેવા કરી શકતા નહીં.સ્વામી ગોપાલાનંદે વાધાને સાળંગપુરાથી પથ્થર લાવવાનું કહ્યું. તેમાં કોલસાથી હનુમાનજીની મૂર્તિ દોરી આપી. વાધાને સ્વામીજીએ એક શિલ્પી બોલાવી લાવવા કહ્યું અને હનુમાનજીની મૂર્તિ કોતરી આપવાનું કહ્યું. સામાન્ય કારીગર પાસે મૂર્તિ કોતરાવી ત્યારબાદ સ્વામીજી મૂર્તિને સાળંગપુર લઈ ગયા. વિક્રમ સંવત 1906ને (1850 એ.ડી.) આસો સુદ પાંચમના રોજ વિદ્વાન બ્રાહ્મણોની મદદથી વ્યવસ્થિત પૂજાવિધિ સાથે આ મૂર્તિની સ્થાપના દરબાર વાધા ખાચરની જમીનમાં કરવામાં આવી. સ્વામી ગોપાલાનંદના મુખ્ય શિષ્ય શુકમુનિએ આરતી કરી. સ્વામી ગોપાલાનંદ મૂર્તિની આંખોમાં આંખો પરોવીને આરતી દરમ્યાન ઊભા રહ્યા.આરતીના પાંચમા રાઉન્ડ બાદ મૂર્તિ હલવા લાગી.લોકોને અને બધાને લાગ્યું કે ઈશ્વરનો આ મૂર્તિમાં વાસ થયો છે.ત્યાર બાદ સ્વામીજીએ તેજનું પ્રત્યાર્પણ કરવાનું બંધ કર્યું અને લોકો ભગવાન સાથે વાત કરી શકે તેવી શકિત પ્રદાન કરી.આમ લોકોનાં દુ:ખ-દર્દો દૂર થવા લાગ્યાં અને સાળંગપુરના ભગવાનનું નામ કષ્ટભંજન પડી ગયું. સ્વામીજીની કુપાથી નાની જગ્યામાં શરૂ થયેલા મંદિરનું વ્યવસ્થિત બાંધકામ વિક્રમ સંવત 1956માં (ઈ.સ. 1900માં ) શરૂ થયું.
મંદિર :-
આ મંદિરમાં 25 ફૂટ પહોળો સભામંડપ છે. જેને આરસના પથ્થરથી જડવામાં આવ્યું છે. હનુમાનજીની મૂર્તિ ત્યાં રૂમમાં પ્રસ્થાપિત કરવામાં આવી છે. આ રૂમના બારણા ચાંદીના છે. મૂર્તિની પૂજા બ્રહ્મચારી બ્રાહ્મણ દ્વારા જ કરવામાં આવે છે. મંદિરના ગર્ભગૃહમાં આચાર્ય કે કોઠારીને પ્રવેશ નથી. મંદિરની આસપાસ ખુલ્લી જગ્યા છે. સવારની મંગળા આરતીથી દર્શન શરૂ થાય છે જે બપોરના બાર વાગ્યા સુધી ખુલ્લા રહે છે. ત્યારબાદ બપોરે 4 વાગે આ મંદિર ખૂલે છે અને સાંજે સંધ્યા આરતી બાદ મંદિર બંધ થાય છે.
બધી જ જાતિના અને ધર્મના લોકો અહીં દર્શન કરવા આવે છે. દેશના જુદા જુદા વિભાગોમાંથી અને રાજયોમાંથી આવેલા ભક્તોની મનની મુરાદ અહીં પૂરી થાય છે. એવું કહેવાય છે કે દુષ્ટાત્માઓ કે પ્રેતાત્માઓથી પીડાતા ભક્તોનો પણ અહીં આવી દર્શન કરવાથી છુટકારો થાય છે. પ્રેતાત્માવાળી વ્યકિત મંદિરના પરિસરમાં પ્રવેશતાં જ મંદિર ધ્રૂજવા લાગે છે. ભગવાનની મૂર્તિ સામે આવતાં જ અને ધૂપનો ધુમાડો તેના શ્વાસમાં જતાં તેમજ હનુમાનજીના મંત્રો ભણતાં જ પ્રેતાત્મા નાસી જાય છે.
મંદિરની પાસે જ ધર્મશાળા આવેલી છે, જેમાં 50 રૂમો છે. ત્યાં રહેનાર ભક્તોને મફત જમાડવામાં આવે છે. ભક્તોને જે ઈચ્છા હોય તે ભગવાનને આપે. મંદિરના સ્થાનક પાસે જ ગૌશાળાછે. મંદિરની વ્યવસ્થા- કમિટી પાસે 600 એકર જમીન ઈનામમાં મેળલી છે. જેમાં 200 એકરમાં મંદિર તરફથી વાવણી કરી અનાજ ઉગાડવામાં આવે છે.
સાળંગપુર હનુમાનજીના મંદિર પાસે સ્વામિનારાયણ મંદિર આવેલું છે. આ મંદિર અક્ષર પુરુષોત્તમ સેવા સંસ્થાનનું મંદિર છે.તેમાં સ્વામી સહજાનંદ,સ્વામી યજ્ઞ પુરુષદાસજીની પ્રતિમાઓ છે. સ્વામી સહજાનંદ સ્વામીનાં પગલાં છે.અને અન્ય મંદિર રાધાકૃષ્ણનું મંદિર છે. આમ સાળંગપુર હનુમાનજીના મંદિરનું ઘણું મોટું મહત્વ છે.
શ્રીલંકા પ્રવાસે ત્રણ ટેસ્ટની શ્રેણી રમવા ગયેલી ભારતીય ક્રિકેટ ટીમ માટે પડતા પર પાટુ જેવી સ્થિતિ સર્જાઇ છે. ભારતીય ટીમ પ્રથમ ટેસ્ટમાં થયેલા નાટયાત્મક પરાજયમાંથી બેઠી પણ થઇ નહોતી ત્યાં હવે શિખર ધવન ઈજાને લીધે ટેસ્ટશ્રેણીમાંથી ખસી જતા ફટકો પડયો છે. ધવનને જમણા હાથમાં ફ્રેક્ચર થતાં તે શ્રીલંકા સામે બાકીની બંને ટેસ્ટમાં રમી શકશે નહીં. ગોલ ખાતે રમાયેલી શ્રેણીની પ્રથમ ટેસ્ટ દરમિયાન ધવનને આ ઈજા થઇ હતી. ધવનનો આજે એમઆરઆઇ સ્કેન કરાવવામાં આવ્યો હતો, જેમાં તેને જમણા હાથમાં હેરલાઇન ફ્રેક્ચર થયું હોવાનું સામે આવ્યું છે. ધવનને છ સપ્તાહ માટે આરામની સલાહ આપવામાં આવી છે. આ ઈજાને લીધે જ ધવન બીજી ઇનિંગ્સમાં ફિલ્ડિંગ માટે પણ ઊતરી શક્યો નહોતો. પ્રથમ ટેસ્ટમાં ધવને પ્રભાવશાળી દેખાવ કર્યો હતો અને પ્રથમ ઇનિંગ્સમાં ૧૩૪ જ્યારે બીજી ઇનિંગ્સમાં ૨૮ રન નોંધાવ્યા હતા. શ્રીલંકા બોર્ડ પ્રેસિડેન્ટ ઇલેવન સામેની વોર્મ અપ મેચમાં ધવને ૬૨ રનની ઇનિંગ્સ રમી હતી. આ ઉપરાંત બાંગલાદેશ સામેની ટેસ્ટશ્રેણીમાં ૧૭૩ રન નોંધાવ્યા હતા. ભારતીય ટીમને ધવનની ખોટ પડશે એ નિશ્ચિત છે. ધવને કુલ ૧૫ ટેસ્ટની ૨૬ ઇનિંગ્સમાં ૪૪.૫૩ની એવરેજથી ૧૧૫૮ રન નોંધાવ્યા છે. ધવનને સ્થાને કોનો સમાવેશ કરવો તે અંગે હજુ સુધી નિર્ણય લેવામાં આવ્યો નથી.
અબુ ધાબીમાં મોદીની યુએઇના શહેજાદા સાથે મંત્રણા બાદ ૩૧ મુદ્દાનું જોઇન્ટ સ્ટેટમેન્ટ જારી કરાયું
જપ-તપ-વ્રતના સંગમ સમાન શ્રાવણ મહિનાનો શનિવારથી પ્રારંભ થઇ ગયો છે. આવતીકાલે શ્રાવણ મહિનાનો પ્રથમ સોમવાર હોવાથી તેને લઇને ભક્તોમાં વિશેષ ઉત્સાહ છે. સોમવારે વહેલી સવારથી જ શિવમંદિરોમાં ભક્તોનું ઘોડાપુર ઉમટી પડશે. જેમાં ભક્તો જળ-દૂધ-ઘી-મધ-શેરડીના રસ-પંચામૃત દ્વારા શિવલિંગ પર અભિષેક કરી ભગવાન શિવ પ્રત્યે પોતાની આસ્થા દર્શાવશે. આવતીકાલે શિવમંદિરોમાં હોમાત્મક-પાઠાત્મક રૃદ્રીના તેમજ મહામૃત્યંજપના જાપનું વિશેષ આયોજન પણ કરવામાં આવ્યું છે.અમદાવાદમાં આવેલા કર્ણમુક્તેશ્વેર મહાદેવ, ભીમમાથ મહાદેવ, શિવાનંદ આશ્રમ, ચકલેશ્વર મહાદેવ, ચકુડિયા મહાદેવ, સમર્થેશ્વર મહાદેવ સહિતના શિવમંદિરમાં ભક્તો ઉમટી પડશે. શિવલિંગ પર બિલ્વપત્ર ચઢાવવાનો મહિમા છે. અલબત્ત, આ વખતે ગત વર્ષની સરખામણીએ બિલ્વપત્રની કિંમતમાં ૧૦થી ૧૫ ટકાનો વધારો નોંધાયો છે. શ્રાવણ મહિના દરમિયાન ખેડાથી ટ્રક ભરીને બિલ્વપત્ર લાવવામાં આવતા હોય છે. શ્રાવણિયો સોમવાર હોય ત્યારે બે ટ્રક ભરીને બિલ્વપત્ર લાવવામાં આવે છે. ગત વર્ષે ૧.૨૫ લાખ બિલ્વની કિંમત રૃપિયા ૧૦ હજાર હતી, જે આ વર્ષે વધીને રૃપિયા ૧૫ હજારે પહોંચી ગઇ છે. શ્રાવણ મહિનાના સોમવારે ઉપવાસ-એકટાણા રાખવાનો મહિમા છે. શહેરના પ્રાચિન કર્ણમુક્તેશ્વર મહાદેવ ખાતે આરતી દરમિયાન શરણાઇ સહિતના વિવિધ પારંપરિક વાદ્યોનો ઉપયોગ કરવામાં આવશે.પ્રાપ્ત થયેલી માહિતી અનુસાર આરતી દરમિયાન પારંપરિક વાદ્યોનો ઉપયોગ ભારતમાં સંભવતઃ માત્ર કાશીમાં જ કરવમાં આવે છે.
સુરતમાં પાટીદાર સમાજની રેલીના બંદોબસ્ત માટે સુરત પોલીસે અડાજણ-અઠવાઇન્સને જોડતો સરદાર બ્રિજ વાહન વ્યવહાર માટે બંધ કરાવી દીધો હતો. પીક અવર્સ દરમિયાન લાખો વાહનો અવર-જવર થાય છે તેવો બ્રિજ બંધ કરાવી દેતા લોકોની હાલત કફોડી થઈ ગઈ હતી. સરદાર બ્રિજનો ટ્રાફિક વિવેકાનંદ બ્રિજ પર ડાઇવર્ટ કરાતા કોઇ દિવસ જામ ન થતો વિવેકાનંદ બ્રિજ પણ જામ થઈ ગયો હતો.
સપ્તાહના પ્રારંભે શેરબજારમાં ભારે ઘટાડો થયો છે. સેન્સેક્સ અને નિફ્ટીમાં સરેરાશ 1%થી વધારાનો ઘટાડો નોંધાયો છે. સેન્સેક્સ 27,800ની નીચે ગગડ્યો છે જ્યારે નિફ્ટી પણ 8450ની સપાટી તોડી દીધી છે. મિડકેપ અને સ્મોલકેપ શેરોમાં પણ ઘટાડો થયો છે. સીએનએક્સ મિડકેપ ઈન્ડેક્સ 0.3%ના ઘટાડા સાથે 13,900ની નીચે આવી ગયા છે, જ્યારે એ 13,975 સુધી પહોંચ્યા હતા. જે બીએસઈના સ્મોલકેપ ઈન્ડેક્સ 0.5% તૂટીને 11,700ની બહુજ નજીક આવી ગયા છે.
હોલસેલ ફુગાવાના નીચા આંક, જીએસટી બિલ માટે સરકારી કવાયત તેમજ સરકારી બેંકો માટે જાહેર કરાયેલી ખાસ યોજનાના અહેવાલો પાછળ મુંબઈ શેરબજાર ખાતે ચોમેરથી નીકળેલી નવી લેવાલીએ સેન્સેક્સમાં ૫૧૮ પોઇન્ટનો ઉછાળો નોંધાયો હતો તો બીજી તરફ અમેરિકન ડોલર સામે રૃપિયામાં ધીમો સુધારો નોંધાયો હતો.
આંતરરાષ્ટ્રીય ક્ષેત્રે ક્રૂડ ઓઈલના ભાવ ઘટવાને પગલે દેશની સરકારી ઓઈલ કંપનીઓએ પેટ્રોલના ભાવમાં લીટર દીઠ રૃપિયા ૧.૨૭ અને ડિઝલના ભાવમાં લીટર દીઠ રૃપિયા ૧.૧૭નો ઘટાડો કર્યો હતો. ઉલ્લેખનીય છે કે સરકારી ઓઈલ કંપનીઓ આંતરરાષ્ટ્રીય ક્રૂડના ભાવ અને ડોલર સાથે રૃપિયાના ભાવમાં થતી વધઘટને ધ્યાનમાં રાખી દર ૧૫ દિવસે પેટ્રોલ અને ડિઝલના ભાવની સમીક્ષા કરી વધારો કે ઘટાડો જાહેર કરે છે. ઉલ્લેખનીય છે કે સરકારી ઓઈલ કંપનીઓ ઇન્ડિયન ઓઇલ કોર્પોરેશન, ભારત પેટ્રોલિયમ અને હિન્દુસ્તાન પેટ્રોલિયમે ૧લી ઓગસ્ટે પેટ્રોલમાં ૨.૪૩ અને ડિઝલમાં રૃા. ૩.૬૦નો ઘટાડો કર્યો હતો.
ભારતની 'એ' ટીમે સાઉથ આફ્રિકાની 'એ' ટીમને ૩૪ રનથી હરાવીને ત્રિકોણીય જંગની ફાઇનલમાં પ્રવેશ મેળવ્યો છે. હવે ભારત 'એ' અને ઓસ્ટ્રેલિયા 'એ' વચ્ચે ફાઇનલ રમાશે.ભારત 'એ'ના ઓપનર મનોજ અગરવાલે ૧૩૩ બોલમાં ૧૭૬ રન ૨૦ ચોગ્ગા અને પાંચ છગ્ગા સાથે નોંધાવ્યા હતા. અગરવાલ અને મનિષ પાંડેએ (૮૫ બોલમાં ૮ ચોગ્ગા અને બે છગ્ગા સાથે ૧૦૮*) બીજી વિકેટની ૨૦૩ રનની ભાગીદારી ૨૪ ઓવરોમાં ખડકી હતી. કેપ્ટન ઉન્મુક્ત ચંદે પણ ૮૪ રનનું યોગદાન આપ્યું હતું.
બોલિવુડ અભિનેત્રી આલિયા ભટ્ટ તેની માસુમિયત માટે જાણીતી છે. ફિલ્મ 'શાનદાર'માં આલિયા દર્શકોને બિકીની સૂટ પહેરેલી જોવા મળશે. સૂત્રોએ જણાવ્યું હતું કે આ દ્રશ્ય માટે અભિનેત્રીએ ખાસ કસરતની તાલીમ લઈ બિકીનીને ઉપયુક્ત ફિગર મેળવ્યું છે. તેણે ખાસ્સું એવું ડાયેટિંગ પણ કર્યું હતું. એક અઠવાડિયા સુધી આલિયા ફક્ત ફળાહાર અને ફળોના રસ પર રહી હતી. 'શાનદાર'માં આલિયા અને શાહિદની જોડી છે. ફિલ્મનું ટ્રેલર હાલમાં જ લોન્ચ કરાયું છે. જેના છેલ્લા દ્રશ્યમાં આલિયા ભટ્ટ ગુલાબી રંગની બિકીની પહેરેલી દ્રશ્યમાન થાય છે.
જપ, તપ અને વ્રતનો તહેવાર એટલે શ્રાવણ માસ. હિંદુઓ માટે અત્યંત પાવન શ્રાવણ માસનો ૧૫ ઓગસ્ટથી પ્રારંભ થવા જઇ રહ્યો છે. શ્રાવણ માસનો પ્રારંભ થવા જઇ રહ્યો છે ત્યારે શિવભક્તોમાં ભગવાન શિવને રિઝવવા માટે અનેરો થનગનાટ જોવા મળી રહ્યો છે. અમદાવાદ સહિત રાજ્યભરના શિવ મંદિરમાં શ્રાવણ માસ નિમિત્તે જપ-તપ, રૃદ્રાભિષેક, મહાપૂજાના વિશિષ્ટ આયોજન કરવામાં આવ્યા છે. આમ, શ્રાવણ માસ સાથે સર્વત્ર ભક્તિમય માહોલ જોવા મળશે.
દહેજ માટે અત્યાચાર તથા અશ્લીલતાના આરોપોનો સામનો કરી રહેલી રાધે માએ પહેલી વાર મોઢું ખોલીને વાત કરી છે. એક અંગ્રેજી દૈનિકને આપેલા ઈન્ટરવ્યુમાં એણે પોતાના વિશે ફેલાવાતી વાતોથી માંડીને પોતાને ફરિયાદી નિક્કી ગુપ્તાને મળી પણ ન હોવાનો દાવો કરવા સુધીની વાતો કરી છે. રાધે મા પોતે કોઈ સાથે વાત નથી કરતી, પણ પોતાના શિષ્ય સંજીવ ગુપ્તાના માધ્યમથી વાત કરી છે. પ્રસ્તુત છે આ ઈન્ટરવ્યૂના કેટલાંક અંશઃ
શ્રીલંકાનો સ્ટાર બેટ્સમેન સંગાકારા પ્રવાસી ભારત સામેની બે ટેસ્ટ રમ્યા પછી ટેસ્ટ ક્રિકેટમાંથી પણ નિવૃત્તિ લઈ લેવાનો છે. સંગાકારાએ કહ્યું કે તેની લગભગ દોઢ દાયકાની કારકિર્દી તેને ખૂબ જ સંતોષ છે પણ તે તેની કારકિર્દી દરમ્યાન તે શ્રીલંકાને વન-ડેની વર્લ્ડકપ ચેમ્પિયન ટીમ બનતા જ જોઈ શક્યો તેનો તેને રંજ છે.
ભારત સામેની શરુઆતની બે ટેસ્ટ રમીને નિવૃત્તિ લેવા જઇ રહેલા શ્રીલંકાના લેજન્ડરી બેટ્સમેન સંગાકારાના વર્તમાન ટેસ્ટ કેપ્ટન મેથ્યૂસે ભારોભાર વખાણ કરતાં તેની તુલના ક્રિકેટ ઇતિહાસના મહાનતમ બેટ્સમેન સર ડોન બ્રેડમેન સાથે કરી હતી. મેથ્યૂસે કહ્યું હતુ કે, સર ડોન બ્રેડમેનને મેં બેટીંગ કરતાં જોયા નથી, પણ સંગાકારાની રમતે મને સતત પ્રેરણા આપી છે. તેના જેવો સાતત્યભર્યો દેખાવ કરનારો કોઇ બેટ્સમેન મેં મારી કારકિર્દી દરમિયાન જોયો નથી.
સવારે ૧૦.૦૦ વાગ્યાથી મેચ શરુ થશે
સીમા પારના ગોળીબારમાં માર્યા જતા લોકોના પરિવારોને રાજ્યની સહાય ઉપરાંત રૃા. પાંચ લાખ આપવા વિચારણા
સૂર્યનગરીથી રવાના થયેલી એક માલગાડી છેલ્લા 17 દિવસથી ગાયબ છે. આ માલગાડીમાં 90 કંટેનર છે, જેમાં અંદાજે 9 કરોડ રૂપિયાનો માલ છે. જોધપુરથી આ માલગાડી 27 જુલાઈએ મુદ્રા પોર્ટ માટે રવાના થઈ હતી, જે ત્રણ દિવસ બાદ પહોંચવાની હતી. પરંતુ હજુ સુધી એ જાણ થઈ નથી કે આ માલગાડી ક્યા છે. હાલ બે ઓગસ્ટે ઓનલાઈન સ્ટેટસમાં એ જાણ થઈ છે કે ટ્રેન અમદાવાદમાં છે.
ભારતીય શેરબજારમાં સપ્તાહનાં પ્રથમ કામકાજનાં દિવસે સારી તેજી જોવા મળી રહી છે. દેશનો પ્રમુખ ઈન્ડેક્સ સેનસેક્સ અને નિફ્ટીમાં 0.50 ટકાનો ઉછાળો જોવા મળ્યો છે. પહેલા કલાકનાં કામકાજ દરમ્યાન સેનસેક્સ 156નાં વધારા સાથે 28392ની સપાટીએ કારોબાર કરી રહ્યો હતો. જ્યારે નિફ્ટી 49 અંકોનાં વધારા સાથે 8614ની સપાટીએ કારોબાર કરી રહ્યો હતો.
ભારત સાચા અર્થમાં પોતાના મિસાઈલમેન અને સ્વર્ગસ્થ પૂર્વ રાષ્ટ્રપતિ ડો.કલામને શ્રધ્ધાંજલિ આપવા માટે જઈ રહ્યુ છે.