બ્રહ્મોસ 2 મિસાઈલને ડો.કલામનુ નામ અપાશે

મિસાઈલમેનને સાચા અર્થમાં શ્રધ્ધાંજલિ હશે

ભારત સાચા અર્થમાં પોતાના મિસાઈલમેન અને સ્વર્ગસ્થ પૂર્વ રાષ્ટ્રપતિ ડો.કલામને શ્રધ્ધાંજલિ આપવા માટે જઈ રહ્યુ છે.
ભારત અને રશિયા દ્વારા વિકસાવવામાં આવી રહેલા હાઈપરસોનિક ક્રુઝ મિસાઈલ બ્રહમોસ 2ને ડો.કલામનુ નામ આપવામાં આવશે.આ મિસાઈલ ટેકનોલોજી હાલમાં રશિયા અમેરિકા અને ચીન પાસે જ છે.આ મિસાઈલની ઝડપ અવાજ કરતા પાંચ ગણી હશે અને તે જમીનની અંદર બનાવાયેલા મજબૂત બંકરને પણ તબાહ કરવા માટે સક્ષમ હશે.
હાયપર સોનિક મિસાઈલ અબ્દુલ કલામનુ સ્વપ્ન હતુ.હાલમાં વિકસીત કરાઈ રહેલુ બ્રહ્મોસ 2 ચાર પાંચ વર્ષમાં રેડી થઈ જશે.
હાલમાં સેનામાં જે બ્રહ્મોસ શામેલ છે તેની ઝડપ પ્રતિ કલાક 290 કીલોમીટર છે.જ્યારે બ્રહમોસ 2 મિસાઈલ પ્રતિ કલાક 6125 કીલોમીટરની ઝડપ સાથે દુશ્મનને તબાહ કરવા લોન્ચ થઈ શકશે.
ડો.કલામ જ્યારે ડીઆરડીઓ પ્રમુખ હતા ત્યારે જ ભારત અને રશિયા વચ્ચે બ્રહ્મોસ મિસાઈલનુ નિર્માણ કરવા માટેના કરાર થયા હતા.