દબંગ થ્રી ૨૦૧૭ની ઇદ પર રજૂ થશે

સલમાને '૧૭ની ઇદ લૉક કરી

સુલતાન પૂરી કરીને દબંગ થ્રી શરૃ કરશે

સુપરસ્ટાર સલમાન ખાને પોતાની દબંગ થ્રી ફિલ્મની રજૂઆત માટે ૨૦૧૭ની ઇદનો દિવસ લૉક કર્યો હોવાના સમાચાર મળ્યા હતા.
એની પહેલી બંને દબંગ હિટ નીવડી હતી. એમાં સોનાક્ષી સિંહા હીરોઇન હતી. હાલ સલમાન ખાન આદિત્ય ચોપરાની ફિલ્મ સુલતાન કરી રહ્યો છે. એ પૂરી થયા બાદ અને મોટે ભાગે ૨૦૧૬ની ઇદ પર રજૂ થયા પછી દબંગ થ્રી શરૃ કરશે એવું એની નિકટનાં સૂત્રોએ જણાવ્યું હતું.
જો કે દબંગ થ્રીની બાકીની સ્ટારકાસ્ટ વગેરેની વિગતો હજુ જાહેર થઇ નથી. અત્યારે તો એની સ્ક્રીપ્ટ પર કામ ચાલુ હોવાનંુ જાણવા મળ્યું હતું.
એક વેબ પોર્ટલ પર આ જાહેરાત થઇ હતી. જો કે હાલ સલમાન સામે બે ત્રણ કાનૂની કેસ ચાલી રહ્યા છે. એના ચુકાદા પર પણ આ બધા પ્લાનિંગનો આધાર છે. હાલ એ વિશે કશું કહી શકાય નહીં. કોઇ પણ સમયે ૪૯ વર્ષના સલમાન ખાન પર ૨૦૦-૩૦૦ કરોડનું રોકાણ થયેલું હોય છે એટલે એને નાની મોટી કોઇ પણ સજા થાય તો બોલિવૂડમાં ખળભળાટ મચી જવાની પૂરેપૂરી શક્યતા છે.