પૃથ્વી થોડા વર્ષોમાં પ્લેનેટ ઓફ પ્લાસ્ટીક બનશે

- દર 3 વર્ષે 1 અબજ ટનથી વધારે પ્લાસ્ટીક પૃથ્વી પર ઠલવાય છે

- પ્લાસ્ટીકનું પડ દરિયા અને જમીનને ઘેરી વળશે

પૃથ્વી પર સતત પ્લાસ્ટીકનો વપરાશ વધી રહ્યો છે અને તેનું પ્રદૂષણ પણ વધી રહ્યું છે. પરિણામે આગામી વર્ષોમાં આખી પૃથ્વી પ્લાસ્ટીકમાં વિંટાળી હોય એવી બની જશે. સંશોધકોએ એ સ્થિતિને પ્લાનેટ ઓફ પ્લાસ્ટીક (પ્લાસ્ટીકનો ગ્રહ) નામ આપ્યું છે.

આગામી વર્ષોમાં પૃથ્વી પરથી માનવજીવન નષ્ટ થશે તો પણ પ્લાસ્ટીક યથાવત રહેશે. પ્લાસ્ટીકનું આયુષ્ય હજારો વર્ષનું હોય છે અને તેનો કુદરતી રીતે નાશ થતો નથી. એટલે પ્લાસ્ટીક ધરતીના પડ અને સમુદ્રની સપાટી પર જમાવટ કરી ગયું છે.

પ્લાસ્ટીકના વપરાશમાં ઘટાડો નથી થઈ રહ્યો. પરિણામે દર 3 વર્ષે પૃથ્વી પર 1 અબજ ટન કરતાં વધારે પ્લાસ્ટીકનો ઢગલો ખડકાય છે.