ગ્રીસની મંદી શેરબજારને ભરખી ગઇ, સેન્સેક્સમાં 166 અંકનો ઘટાડો

- બજાર ખુલતાની સાથે બીએસઇ સેન્સેક્સ 500 અંકોનાં ઘટાડા સાથે ખુલ્યો હતો

- ચાંદી અને રૂપિયામાં ઘટાડો નોંધાયો

સેન્સેક્સ અને નિફ્ટી પર સોમવારની સવાર એક મોટા ઘટાડાની સાથે શરૂઆત થઇ છે. બજાર ખુલતાની સાથે બીએસઇ બેન્ચમાર્ક સેન્સેક્સ 500 અંકોના ઘટાડા સાથે ખુલ્યો એનએસસીની બેન્ચમાર્ક નિફ્ટીએ પણ 2 ટકાનો ઘટાડો નોંધાવતા 8250ના સ્તરથી નીચે પહોંચી ગયો હતો. જો કે,  કામકાજનાં મધ્યભાગ બાદ બજાર બાઉન્સ બેક થતા પ્રારંભિક તબક્કામાં ગુમાવેલી સપાટીઓ ઝડપથી પરત હાંસલ કરી હતી.

આમ, કામકાજનાં અતે સેન્સેક્સ 166 પોઈન્ટ ઘટીને27645 જ્યારે નિફ્ટી 62 પોઈન્ટ ઘટીને 8318ની સપાટીએ બંધ રહ્યા હતા.

શેર બજારના નિષ્ણાતોનું માનવું છે કે ગ્રીસના સંકટ ભારતીય બજાર પર છવાઈ ગયા છે. ગ્રીસ સંકટના કારણે વૈશ્વિક બજારોમાં જોરદાર ઘટાડો જોવાને મળી રહ્યો છે. સોમવારની સવારે ગ્રીસ સરકારે બધી બેન્કોને 6 જુલાઇ સુધી બંધ રાખવાનો આદેશ આપ્યો છે. બેન્કોની સાથે જ એટીએમમાંથી પૈસા ઉપાડવા પર પણ પ્રતિબંધ મુકી દિધો છે. ગ્રીસના સ્ટૉક એક્સચેન્જ આજે બંધ રહેશે. ઓનલાઇન બેન્કિંગ ચાલુ રહેશે, પણ વિદેશી ટ્રાન્સફર પર રોક મુકી દિધો છે.
બજારના કારોબારના આ સમય દરમિયાન બધા જ સેક્ટર ઘટાડાના લાલ નિશનામાં જોવામાં આવી રહ્યા છે. બજારમાં ઘટાડો પીએસયૂ બેન્ક લીડ કરી રહી છે અને બેન્કિંગ સેક્ટર 3.5% નીચે બનેલા છે. ફાઈનાન્સ, મીડિયા, ફાર્મા, ઑટો અને મેટલ શેરોમાં 2 થી 2.5% સુધીનો ઘટાડો દર્જ કરવામાં આવ્યો છે. ઈન્ફ્રા, આઈટી અને એફએમસીજી સેક્ટર પણ જોરદાર ઘટાડાની સાથે જોવામાં આવી રહ્યા છે.
આ સમાચાર લખાય છે ત્યાં સુધી ચાંદી 138 રૂપિયા ઘટીને 35,968 રૂપિયા પર હતી. વળી સોનું 39 વધીને 26,524 રૂપિયા પ્રતિ ગ્રામ પર કારોબાર કરી રહ્યો હતો. રૂપિયો પણ ડોલરની સરખાણીએ 23 પૈસા ઘટીને 63.865 પર બજારમાં ટક્યો છે.