હાથીની લાદમાંથી બને છે દુનિયાની સૌથી મોંઘી કોફી પૈકીની એક

જાણો કેવી રીતે બનાવાય છે આઈવરી બ્લેન્ડ કોફી

દુનિયામાં કરોડો લોકો કોફી પીએ છે.મોંઘી કોફી તો મોભાનુ પ્રતિક છે.ઘણા માટે તે સ્ટેટસ સિમ્બોલ હોય છે.
જેના કારણે ચિત્ર વિચિત્ર પ્રકારની મોંઘી દાટ કોફી હવે બજારમાં ઉપલબ્ધ થવા માંડી છે.આવી જ એક કોફી જેમાંથી બને છે તે વાંચીને  તમે નાકનુ ટીચકુ ચઢાવી દેશો.દુનિયાની સૌથી મોંઘી પૈકીની એક કોફી હાથીની લાદમાંથી બને છે.


આ  કોફીનુ નામ છે આઈવરી બ્લેન્ડ અને એક કીલો કોફીની કિંમત 67000 રુપિયા થવા જાય છે.કોફી બનાવવા માટે પહેલા તો હાથીને 33 કીલો કોફી બિન્સ ખવડાવવામાં આવે છે અને એ પછી હાથી જે  લાદ પાડે છે તેમાંથી માત્ર એક કીલો કોફી બને છે.લાદમાંથી કોફીના બીજ વીણવાનુ કામ પણ ખાસ પ્રશિક્ષણ પામેલા લોકો જ કરે છે.
લાદમાંથી નીકળેલા બીજને સાફ કરીને તડકામાં સુકવવામાં આવે છે.તેમાંથી કોફી પાવડર બનાવવામાં આવે છે.તેની ખાસીયત એ છે કે તેમાં કડવાશ નથી હોતી.કારણકે પાચન ક્રિયા દરમ્યાન હાથીના શરીરમાં રહેતા તત્વો કોફીની પરંપરાગત કડવાશને ખતમ કરી નાંખી છે.આ સીવાય હાથીને કેળા શેરડી જેવા ફળો ખવડાવવામાં આવતા હોવાથી લાદમાં મળતા બીજમાં ફળોની સુગંધ પણ ભળી જતા હોવાથી કોફીને એક આગવી મહેક મળે છે.