સફળતા ડાન્સના કારણે નહીં, સ્ક્રીપ્ટના લીધે

એબીસીડી ટુ વિશે રેમો ડિસોઝા કહે છે

ડાન્સ તો ફિલ્મનો એક હિસ્સો ગણાય

ટોચના કોરિયોગ્રાફર કમ ફિલ્મ સર્જક રેમો ડિસોઝાએ કહ્યું હતું કે મારી ફિલ્મ એબીસીડી ટુ હિટ થવાનું કારણ ડાન્સ નથી, સબળ સ્ક્રીપ્ટ છે. ડાન્સ તો ફિલ્મનો એક અંશ માત્ર છે.
'એબીસીડી (એની બોડી કેન ડાન્સ) અને એબીસીડી ટુ- મારી બંને ફિલ્મો હિટ થવાનો યશ ફક્ત ડાન્સને આપી શકાય નહીં. માત્ર જુદા જુદા ડાન્સ કરવાથી ફિલ્મ હિટ ન થાય. મારી ફિલ્મો સફળ થવાનો યશ હુંં સબળ સ્ક્રીપ્ટને આપું છું. ચુસ્ત સ્ક્રીપ્ટ અને વાર્તાના કારણે દર્શકોને ફિલ્મો ગમી અને હિટ નીવડી. બાકી કોઇ ફિલ્મ માત્ર ડાન્સ પર ચાલે નહીં' એમ મિડિયા સાથે બોલતાં રેમોએ કહ્યું હતું.

તેમણે વધુમાં કહ્યું કે મેં ફિલ્મ ફાલતુથી ડાયરેક્ટર તરીકેની કારકિર્દી શરૃ કરી હતી. એ ફિલ્મ ડાન્સ આધારિત નહોતી. એટલે મને ડાન્સ ફિલ્મનો ડાયરેક્ટર કહી શકાય નહીં. કોરિયોગ્રાફી આવડતી હોય એટલે લોકોને એમ લાગે કે આ માણસ ડાન્સ આધારિત ફિલ્મ સહેલાઇથી બનાવી શકે. પરંતુ મારી પહેલી ફિલ્મ ડાન્સ આધારિત નહોતી.