Facebook Lite App ભારતમાં લોન્ચ, 2જી નેટવર્કમાં પણ ચાલશે સારી ઝડપે

- લાઈટ એપ હાલ માત્ર એન્ડ્રોઈડ યુઝર્સ માટે જ ઉપલબ્ધ

- જાણો ફેસબુકની આ નવી એપમાં શું છે ખાસ વાત...

ફેસબુકે પોતાની લાઈટ એપ ભારતમાં લોન્ચ કરી દીધી છે. કંપનીએ લાઈટ એપને હાલપુરતી એન્ડ્રોઈડ યુઝર્સ માટે જ જારી કરી છે. ફેસબુક લાઈટ એપની સૌથી મોટી ખૂબી છે કે તેની સાઈઝ બહુ ઓછી અને એકદમ ધીમા નેટવર્ક પર પણ એકદમ સારી સ્પીડથી કામ કરી શકે છે. 2જી નેટવર્ક પર કામ કરનારી આ Facebook Lite App હેઠળ વીડિયોને બાદ કરતા અન્ય ઘણા બધા કામ કરી શકાય છે.
ફેસબુક લાઈટ એપની સાઈઝ માત્ર 430 કેબી છે જેના હેઠળ આ 2જી નેટવર્ક પર શાનદાર સ્પીડથી કામ કરે છે. આ એપ હેઠળ આપ સોશ્યલ નેટવર્કિંગના તમામ કામ જેવા કે ન્યુઝ ફીડ, સ્ટેટસ અપડેટ, ફોટોઝ, મેસેન્જર, નોટિફિકેશન તથા અન્ય ઘણા બધા કામ કરી શકો છો. જો કે, તેમાં વીડિયો નથી ચાલતો અને કોઈ ઈનબિલ્ટ બ્રાઉઝર પણ નથી. તેમાં એક વધુ ખાસ વાત એ છે કે, ફેસબુક લાઈટ એપ અને સ્ટાન્ડર્ડ ફેસબુક એપ બંન્નેને એક જ ડિવાઈસમાં એક જ સમયે કામમાં લઈ શકાય છે.
ફેસબુક લાઈટ એપને ખાસરીતે સ્લો એટલે કે 2જી નેટવર્ક વાળા દેશો માટે બનાવવામાં આવી છે. આ એપ ભારત સહિત, એશિયા, યૂરોપ, આફ્રિકા અને લેટિન અમેરિકાનાં ઘણા દેશોમાં લોન્ચ કરવામાં આવી રહી છે.