ISISના આતંકવાદીઓને તેમના ઘરમાં જઇને મારીશું: ઓબામા

કાર્યકાળ પુરો થવાના થોડા મહિના પહેલા ફરી એકવાર ISનો ખાત્મો બાલાવાની કસમ ખાધી

- સિક્યોરિટી ફોર્સિસને ઇસ્લામિક સ્ટેટની સામેના હુમલાને તેજ કરવા કહ્યું

અમેરિકાના રાષ્ટ્રપતિ બરાક ઓબામા જેમનો કાર્યકાળ પુરૂ થવામાં બસ હવે થોડા મહિનાનો જ સમય વધ્યાં ત્યાં તેમને ફરી એકવાર આતંકવાદી સંગઠનનો ખાત્મો બોલાવાની કસમ ખાધી છે.
રાષ્ટ્રપતિ બરાક ઓબામાએ ઇસ્લામિક સ્ટેટના આતંકવાદીને ફરી એકવાર ચેતવણી આપતા કહ્યું છે કે,'આતંકવાદી ગમે તે દેશમાં હોય અમેરિકા તેને ત્યાં ઘૂસીને મારશે.' ઓબામાએ ગુરૂવારના રોજ નેશનલ સિક્યોરિટી કાઉન્સીલની એક મીટિંગમાં હાજરી આપી હતી. જેમાં તેઓએ સિક્યોરિટી ફોર્સિસને ઇસ્લામિક સ્ટેટની સામેના હુમલાને તેજ કરવા કહ્યું છે.
ઓબામાએ સ્પષ્ટ શબ્દોમાં કહી દિધુ કે આતંકવાદીઓ અને ઇસ્લામિક સ્ટેટના કાવતરાખોરો કોઇ પણ દેશમાં હોય, અમેરિકા આકરા પગલા લેતા અચકાશે નહી. વ્હાઇટ હાઉસ તરફથી બહાર પાડવામાં આવેલા એક નિવેદનમાં કહેવામાં આવ્યું છે કે રાષ્ટ્રપતિએ આ વાત પર ભાર મુક્યો છે કે અમેરિકા જ્યાં પણ જરૂર હશે ત્યાં કોઇ પણ દેશમાં ઇસ્લામિક સ્ટેટના આતંકવાદીઓ અને કાવતરાખોરોનો સામનો કરવાનું ચાલું રાખશે.
તેમને આ વાતનો પણ ઉલ્લેખ કર્યો કે ઇસ્લામિક સ્ટેટ સાથે જોડાયેલા સંગઠન અને અન્ય આતંકી આતંકવાદી તે વિસ્તારમાં આશ્રય મેળવવાના પ્રયત્ન કરી રહ્યાં જ્યાં કાયદો અને વ્યવસ્થા નબળી હોય. તેમણે સિક્યોરિટી ટીમને લીબિયા અને અન્ય દેશોમાં આતંકવાદને રોકવા માટે કરવામાં આવતા પ્રયત્નોને મજબુત કરવાના આદેશ આપ્યા છે, જ્યાં ઇસ્લામિક સ્ટેટ પોતાની પકડ મજબુત કરવાના પ્રયત્ન કરી રહ્યાં છે.
વ્હાઇટ હાઉસ અનુસાર ઇસ્લામિક સ્ટેટને કમજોર કરવા અને નાથવા માટે ગ્લોબલ પાર્ટનર્સની વચ્ચે મદદ અને એકતાની જરૂર છે.